O Club Natación Escualos é unha asociación privada con personalidade xurídica e capacidade de obrar, integrada por persoas físicas ou xurídicas, con personalidade xurídica propia e capacidade de obrar, con domicilio na Comunidade Autónoma de Galicia, que ten por obxecto primordial o fomento e impulso da práctica continuada dunha ou varias modalidades deportivas, así como a participación en actividades e competicións deportivas calquera que sexa o seu nivel e destinatario.
O Club Natación Escualos practicará como principal modalidade deportiva a de natación, e solicitara a ratificación dos estatutos e a inscrición no Rexistro de Entidades Deportivas de Galicia, de conformidade coa Lei do Deporte de Galicia.
O Club Natación Escualos practicará, así mesmo, tódalas modalidades deportivas relacionadas coa natación ou calquera actividade acuática e, para tal fin, funcionarán as seccións deportivas correspondentes, sen prexuízo de que a Xunta Directiva, previo acordo da Asemblea Xeral poida acordar a creación doutras.
O domicilio social do Club Natación Escualos fíxase no Lugar de San Cristobo S/N, parroquia de Cova, concello de Carballedo, CP 27528, provincia de Lugo.
A Xunta Directiva, cando as circunstancias o aconsellen, poderá acordar o cambio do domicilio social dentro da mesma localidade. Para o traslado do domicilio a outra localidade, que deberá ser sempre dentro da Comunidade Autónoma de Galicia, será necesario un acordo maioritario da Xunta Directiva ou a Asemblea Xeral.
En ámbolos casos, o traslado de domicilio social, non implicará modificación estatutaria, e terá de ser notificado aos socios e socias e ao rexistro de Entidades Deportivas de Galicia.
O número de socios/as será ilimitado. A Xunta Directiva ou a Asemblea Xeral poderá suspender, non obstante, a admisión de novos/as socios/as cando así o esixan razóns de aforo ou capacidade física das instalacións. Os/As socios/as poderán ser das seguintes clases: de número, honorarios/as, aspirantes e familiares.
Son socios/as de número tódalas persoas maiores de idade, que satisfagan a cota social establecida pola Asemblea Xeral. Neste caso establécese unha distinción entre socios/as federados/as, con licencia para a participación de competicións, e socios/as non federados/as.
Os/As socios/as federados/as aboarán a cota da licenza federativa a parte da do club. Estes/as, terán dereito a tódolos servizos que veñan derivados da licenza, (seguro, participación en competicións, etc …). O Club fará as xestións pertinentes coa Federación Galega de Natación.
Os/As socios/as non federados/as aboarán soamente a cota que estableza o club, estes/as, non poderán participar en competicións oficiais nin terán un seguro. Colaborarán e beneficiaranse das actividades que organice club.
O club recomenda que todos os socios e socias tramiten a licencia federativa.
Os/As menores de 18 anos, clasificaranse como socios/as aspirantes, tendo dereito ó uso das instalacións sociais mediante a cota que se fixe e pasarán automaticamente a ser socios/as de número ó cumpriren a maioría de idade.
Serán socios/as honorarios/as aquelas persoas ás que a Asemblea Xeral confira esta distinción e terán un posto de preferencia nos actos oficiais da sociedade. Son socios/as familiares todas aquelas persoas que dependan economicamente dun/dunha socio/a de número e convivan con el/ela no mesmo domicilio.
Para ser admitido/a como socio/a, en calquera das súas modalidades, será necesario:
A condición de socio/a pérdese:
Son órganos de representación e goberno do Club, o/a Presidente/a, a Xunta Directiva e a Asemblea Xeral.
O/A Presidente/a é o órgano executivo do Club, posúe a representación legal e convoca e preside os órganos de representación e goberno executando os acordos destes.
O cargo de Presidente/a é a título gratuíto e carente de interese nos resultados económicos da explotación, por si mesmo ou a través de persoa interposta.
Será elixido/a mediante sufraxio libre, directo, ao igual e secreto entre os membros da Asemblea Xeral, cada catro anos.
O/A Presidente/a cesará por:
A Xunta Directiva quedará tamén validamente constituída, cando estean presentes tódolos seus membros, aínda que non houbera mediado convocatoria previa.
Dirixir a xestión do Club, velado polo cumprimento do seu obxecto social. Formular o inventario, memoria e presuposto anual, que se someterá a aprobación da Asemblea. Aplicar tódalas medidas deportivas, económicas e administrativas precisas para o fomento e desenvolvemento do deporte dentro do Club.
A Secretaría da Xunta Directiva coidará do arquivo da documentación, redactará cantos documentos afecten á marcha administrativa da Asociación e levará os Libros de Rexistro de Socios/as e o Libro de Actas.
A Asemblea Xeral é o órgano supremo de goberno do Club e estará integrada por todólos/as socios/as de número.
As Asembleas Xerais, tanto ordinarias como extraordinarias, quedarán validamente constituídas en primeira convocatoria cando concorran a elas a maioría das persoas asociadas. En segunda e última convocatoria, media hora máis tarde, quedará constituída calquera que sexa o número de membros presentes. Entre a data de convocatoria e o día sinalado para a súa celebración, terán de mediar, como mínimo dez días naturais e non poderán transcorrer máis de vinte.
A Asemblea Xeral convocarase pola Presidencia a iniciativa propia ou do vinte e cinco por cento, polo menos, dos/as socios/as de número.
2.- Terá que celebrarse Asemblea Xeral extraordinaria para a modificación de Estatutos, elección do/a Presidente/a, toma de cartos a préstamo, emisión de títulos representativos de débeda ou de parte alícuota patrimonial, transmisión de bens inmobles e fixación de cotas das persoas asociadas, e calquera outro acordo previsto nestes estatutos ou que se estime oportuno pola Presidencia ou proceda legalmente.
Os acordos da Asemblea Xeral adoptaranse por maioría simple dos/as presentes, requiríndose unha maioría cualificada e un quórum determinado de asistencia para aqueles asuntos que establezan os estatutos. Serán vinculantes e de obrigado cumprimento e terán forza executiva a partir da data da súa adopción, sen prexuízo, por razón da materia, da posibilidade da súa impugnación perante os órganos competentes e da Federación Galega deportiva da modalidade ou perante o Comité Galego de xustiza Deportiva.
O réxime documental do Club, constará dos seguintes libros: Rexistro de Socios, de Actas e Contables.
No libro de Rexistro de Socios, terán de constar os nomes e apelidos dos/as socios/as de número, o seu Documento Nacional de Identidade e, no seu caso, os cargos de representación, goberno e administración que exerzan no Club. Tamén hanse de especificar as datas de altas e baixas, e as de toma de posesión e cese nos cargos aludidos.
No libro de Actas, consignaranse as reunións que celebre a Asemblea Xeral e a Xunta Directiva, con expresión da data, persoas asistentes, asuntos tratados e acordos adoptados. As Actas terán de estar asinadas, en todo caso, polo/a Presidente/a e o/a Secretario/a.
Nos Libros de Contabilidade figurarán tanto o patrimonio como os dereitos e obrigacións, e ingresos e gastos do Club, debéndose precisar a procedencia daqueles e a inversión ou destino destes.
Os órganos e socios do Club estarán sometidos ó regulamento disciplinario do Club e ó disposto no Título VII da Lei 3/2012, do Deporte de Galicia, e a súa normativa de desenvolvemento.
O Club responderá das súas obrigas con todos os seus bens presentes e futuros.
Así mesmo o/a Presidente/a e os membros da Xunta Directiva responderán fronte a terceiros dos prexuízos que ocasionaran por culpa ou neglixencia grave, de conforme á regulamentación propia do Club e o Ordenamento Xurídico vixente.
O Club de Natación Escualos someterase ao réxime de presuposto e patrimonio propio, coas seguintes limitacións:
Queda expresamente excluído como fin do Club o ánimo de lucro e a totalidade de seus ingresos e beneficios aplicaranse ao cumprimento dos seus fins sociais.
O Club poderá gravar e allear bens, mobles e inmobles, tomar diñeiro a préstamo e emitir títulos transmisibles representativos de débeda ou parte alícuota patrimonial, sempre que cumpra os seguintes requisitos:
O Club poderá emitir títulos de débeda ou de parte alícuota patrimonial, nominativos. Os títulos inscribiranse nun libro que levará ao efecto o Club, no que se anotarán as sucesivas transferencias.
En tódolos títulos constará o valor nominal, a data de emisión, e, no seu caso, o interese e prazo de amortización.
Os títulos de débeda só poderán subscribirse polas persoas asociadas, e a súa posesión non conferirá dereito algún especial a estas, agás a percepción dos intereses establecidos conforme á lexislación vixente.
Os títulos de parte alícuota patrimonial han de ser asemade, subscritos polas persoas asociadas. En ningún caso estes títulos darán dereito á percepción de dividendos ou beneficios.
Os títulos de débeda e parte alícuota patrimonial serán transferidos unicamente entre as persoas que teñan a condición de socias.
Os presentes Estatutos só poderán modificarse, reformarse ou derogarse, por acordo da Asemblea Xeral Extraordinaria convocada a tal efecto, mediante votación favorable dos dous terzos dos/as socios/as de entre o de número asistentes.
A reforma destes estatutos seguirá, con respecto ao Rexistro Entidades Deportivas de Galicia, os mesmos trámites administrativos que para a súa inscrición.
O Club extinguirase ou disolverase por acordo de:
En todo caso haberá de ser notificado ao Rexistro de Entidades Deportivas.
Disolto o Club, o remanente do seu patrimonio social, se o houbera, aplicarase a fins análogas de carácter deportivo. Ben por acordo previo da Asemblea Xeral ou subsidiariamente polo órgano competente en materia de deporte da Xunta de Galicia.