Participantes
O Festival de natación Campus Auga está aberto a tódalas persoas maiores de 18 anos sexan ou non universitarias e dispoñan ou non de licenza federativa.
Categorías
Establécense as seguintes categorías para as diferentes clasificacións.
- Sénior (nados despois do 1 de xaneiro de 1992)
- Máster (nados ata o 31 de decembro de 1991)
- Membro da Universidade de Vigo
Probas
Disputaránse as seguintes probas en formato contrareloxio, sen distinción de categorías:
- 50m libres
- 50m braza
- 50m costas
- 50m bolboreta
- 100m estilos
Ademáis, terá lugar unha proba de remudas 4x50m libres con caracter non competitivo.
Cada nadador/a poderá participar en tódalas probas que considere.
Clasificacións
Realizarase unha clasificación masculina e feminina baseada na suma dos tempos das cinco probas individuais en cada unha das tres categorías.
Premios
Entregaránse medallas aos tres primeiros clasificados/as masculino e feminino de cada categoría ademáis de un trofeo ao mellor clasificado/a absoluto/a.
Na categoría de universitari@s, os mellores clasificados masculino e feminino recibirán tamén unha bonificación de un mes de abono gratuíto ao complexo deportivo BeOne As Lagoas.
Os mellores nadadores absolutos, recibirán tamén un vale de compra en Bouso Intersport.
Na entrega de premios poderá requirirse algún documento que acredite a idade e/ou a condición de membro da Universidade de Vigo.
Para optar aos premios, será necesario participar nas 5 probas.
Inscricións
As inscricións realizaranse a través do seguinte formulario antes das 23.59 horas do 12 de decembro de 2022.
O custo da inscrición é gratuíto. Non obstante, o día da competición, realizarase unha recollida en favor do banco de alimentos nas instalacións de BeOne As Lagoas. Cada participante deberá realizar algunha aportación.